VIAGEM DO TRABALHO
BA
INCHEON – KOREA DO SUL
NO
JAKARTA – INDONESIA
 |
| Foto hamutuk dirijentes Perusahaan Gramedia Indonesia |
 |
| Foto hamutuk ho dirijentes Prinpia Co. Ltd |
Iha loron
16 de Maio de 2015, Vice-Ministro II da Educação Abel da Costa Freitas Ximenes aranka
ba iha Incheon, Korea do Sul hodi partisipa iha Forum Edukasaun Mundial (Education for All). Iha vizita ne’e,
Vice-Ministro lori ho mos ekipa ida hodi akompanha durante viagem ne’ebe maka
hala’o iha Korea du Sul. Alemde iha Korea du Sul, Vice-Ministro ho ekipa mos
hala’o viagem ba Malaysia, Singapura no Indonesia (Bali). Viagem ne’ebe
Vice-Ministro hala’o, hahu husi 16 de Maio to’o 30 de Maio de 2015.
Pesoal
hirak ne’ebe akompanha Vice-Ministro maka hanesan Diretor Geral Escola Tecnica
Vocational Albano Salem, Assessor Vice-Ministro David Raimundo, Jornalista
TVTL, Assessor Antonio Cunha no Assessor Fernando Soares. Husi pesoal hirak
ne’e, assessor Antonio Cunha no assessor Fernando Soares sai hanesan ekipa
avansadu no Vice-Ministro orienta atu fokus hala’o vizita ba iha centro
impresaun iha Korea du Sul no Jakarta-Indonesia, inklui vizita ba eskola
teknika vokasional balun.
Nu’udar
ekipa avansadu, ami assessores Antonio Cunha no Fernando Soares aranka
diretamente ba iha Korea du Sul iha loron 16 Maio 2015 ho aviaun Silk Air via
Singapura. Ekipa avansadu to’o iha Airoporto International Incheon Korea du Sul
iha loron 17 Maio 2015, ne’ebe maka simu husi maluk Koreano Mr. Choi Deok Jim ne’ebe mos servisu
iha Centro de Impressão da Educação-Comoro.
Ami ekipa
assessores hela iha Korea du Sul durante loron tolu (3), hahu 17 to’o 19 de
Maio de 2015. Durante periodu loron tolu (3) ne’e, ami ekipa assessor hala’o
atividades lubuk ida maka hanesan, enkontru ho Project Manager KOICA nian ba Centro de Impressão, akompanha
Vice-Ministro da Educação Abel da Costa Freitas Ximenes iha enkontru ho
Vice-Presidente KOICA iha sede KOICA no zantar konfraternizasaun ho Project Manager Centro de Impressão husi
KOICA, Vizita ba iha eskola teknika Shingu College no ikus vizita ba kompanhia
impresaun Prinipal.
Iha loron
20 de Maio de 2015, ami ekipa assessores aranka fali mai iha Jakarta Indonesia.
Ami ekipa assessores, iha Jakarta durante loron rua (2) efetivu hahu husi loron
21 to’o 22 de Maio de 2015. Durante periodu loron rua (2) ne’e, ami ekipa
assessores hala’o vizita centro impresaun hanesan Percetakan Gramedia no Percetakan
Negara i eskola tekniku vokasional ida, maka SMK 26 Jakarta. Durante ami
ekipa assessores nia vizita iha Jakarta, hetan akompanha no apoiu maksimu husi staff Adidu Edukasaun Timor-Leste ba
Indonesia, Sra. Deni. Vice-Ministro ho komutiva seluk, kontinua iha Seoul hodi partisipa iha Forum Edukasaun Mundial "Education For All".
Durante
viagem iha Korea du Sul no Jakarta-Indonesia, ekipa assessores iha de’it loron
efetivu hat (4) hodi hala’o vizita ba fatin hotu ne’ebe maka mensiona ona iha
leten. Maske nune’e, ekipa assessores konsege maksimiza duni tempu ne’ebe iha,
buka referensia ne’ebe maka di’ak liu hodi bele solusiona problemas no dezafius
hotu ne’ebe maka Centro de Impressão da Educação Timor-Leste infrenta.
Liu husi vizita ne'e, ami bele foti konkluzaun badak ida katak entre Korea du Sull (Seoul) ho Indonesia (Jakarta) iha diferensia ne'ebe bo'ot tebes, liu-liu iha dezenvolvimentu industria impresaun iha nasaun rua ne'e. Iha Korea du Sul, kuaze uza forsa robot maka barak, no iha Indonesia sei garante ba forsa traballadores sira.