VIDA NASAUN

 LENO ELEISAUN 2012

SE MAK SEI UKUN?

                                                     By: AJ Cunha

Eléisaun jeral 2012 sei iha tinan ida liu tán. Maské nune’e, orás ne’e dadauk partido politikó sira komésa ona konsolida ida-idak nia an, perpara hodi belé kompeté iha eléisaun 2012 nebé sei mai. Partidos sira nebé mák oras ne’e ukún hela no iha representante iha parlamentu, komesa haforsa fila fali sira nia strutura partido nian iha baze. Sira hahu halo “gerilya” ba iha suco’s to’o aldéas, husi nasional ba to’o iha sub-distrito hotu. Hakbesik an ba individu, sosiadade, no populasaun tomak atu bele influensa maka’as sira nia hanoin atu nune’e bele alkansa sira nia ambisaun atu bele manan no ukun iha 2012. Tinan ida ba oin, povu nasaun ida ne’e sei haré fila fali oin sa lidér’s partidos politikó sira hatudu sira nia hakraik an no oin midar hodi belé hetan simpatia husi povu tuir buat nebe sira hakarak. Partido politiko hotu sei mosu iha ida-idak nia knua, ho razaun hala’o konsolidasaun partido nian. Sira hotu sei mosu hó agenda jeral nebé iha prinsipiu kuaze hanesan deit, hanesan liberta povu husi kiak, mukit no beik (naran katak la bele liberta ho ibun midar deit). Partido idak-idak iha nia strategia politika rasik atu belé manán povu nia laran.

Artikél ida ne’e atu fó deit opiniaun no hanoin oituan ba leitores sira kona ba partido nebé deit mak iha opurtunidade bo’ot liu atu bele hetan no manán simpatia povu nian iha eleisaun 2012. Reflekta husi eleisaun 2007, iha partido bo’ot rua nebé mak hetan votus barak liu partido sira seluk iha tempu ne’eba, ne’e mak FRETILIN no CNRT, ho idak-ida hetan kadeira 20 no 18 iha parlamentu. Agora, kestaun mak ne’e, sei nafatin ka lae partido bo’ot rua ne’e domina iha eleisaun 2012 mai ou partido sira seluk, hanesan PD, PSD, ASDT, PUN, KOTA, UNDERTIM, PPT (Iha representantes iha parlamentu), UDT, PST, no PDN mak sei halakon dominasaun husi partido bo’ot rua ne’e? mai ita hare hamutuk!!!

Partido CNRT

Partido Congresu Nacional de Reconstrucção de Timor-Leste (CNRT) hanesan partido ida nebé mak foin ejiste molok eleisaun 2007. Maske foin mak moris, maibe partido ne’e bele hetan votus barak no konsege kompete ho partido historiko FRETILIN. Iha eleisaun 2007, partido CNRT hetan votus segundo mayoria iha FRETILIN nia kotuk no hatu’ur sira nia representante 18 iha parlamentu nasional. Maské sai deit hanesan segundo lugár, maibe CNRT mak ikus mai ukun duni nasaun ida ne’e, depois halo koligasun ho partido sira seluk hodi “tebe” sees FRETILIN. Figura bo’ot ida nebé iha CNRT nia kotuk mak exelencia Kay Rala Xanana Gusmão. Lidér bo’ot Força Armada Libertação Nacional Independete de Timor Leste (FALINTIL) iha tempu rezistensia nia lori nasaun no povu ida ne’e to’o hetan duni ukun rasik an. Xanana Gusmão hanesan brand equity ida ba CNRT. Bainhira ema temi CNRT, sira hotu nia hanoin ba iha figura karismatik ida ne’e. Ho karisma no istoria luta nian nebe mak metin iha nia an, Xanana Gusmão konsege “fahe” kuadrus, militantes, no simpatizantes husi partidos politiko seluk hodi ba hamutuk ho nia.

CNRT hamutuk ho partidos koligasaun sira (AMP) ukun ona nasaun ida ne’e durante tinan tolu nia laran. Iha buat barak mak halo ona, komesa husi reforma administrativa no birokrasia, reforma           F-FDTL no PNTL, hadia seitor saude no edukasaun, konsege mantein seguransa iha rai laran depois de krize 2006/2007, konsege rezolve problemas petesionariu, konsege lori fali refugiados sira (IDP’s) ba idak-idak nia fatin, no seluk tan. Maibe mos iha buat barak nebe mak presija hetan atensaun maksimu no sei sai hanesan trabalho da casa ba CNRT atu halo no hadia iha tempu mai, mak hanesan problema electricidade, problema bé mos, problema estrada, problema distribuisaun fós, problema justisa, problema korupsaun no seluk tan. Haré ba buat hirak hotu nebe mak partido CNRT ho nia partido koligasaun sira halo ona, no buat hirak nebe mak sei sai hanesan trabalho da casa, maka oin sa ho kans CNRT nian rasik iha eleisaun 2012 mai? Karik CNRT sei manán mayoria no ukun mesak iha 2012 mai hanesan hateten ona husi lider no prezidente CNRT Xanana Gusmão iha fulan hirak liu ba? Ou CNRT sei sai deit hanesan partido oposisaun? Ou CNRT sei kontinua nafatin koligasaun ho partido sira seluk? Mai ita diskute hamutuk.

Hanesan lider husi partido politiko sira nebe ukun, CNRT  iha duni kans nebe mak bo’ot tebes atu bele manan iha eleisaun 2012 mai. Iha faktores barak nebé bele sai hanesan value added ida pada partido ida ne’e hodi bele manan no ukun fali nasaun ida ne’e, i bele ukun mesak deit. Dahuluk, Figura husi Xanana Gusmão. Hanesan hateten ona iha leten, Xanana Gusmão hanesan brand equity ida ba eksistensia CNRT. To’o ohin loron nia sei sai nafatin hanesan lider bo’ot ida nebe Timor Leste iha. Maske iha nia governasaun Xanana hetan kritika no kondena maka’as husi partido opozisaun sira ba aktus no desizaun balun nebe mak nia halo no foti, maibe buat hirak ne’e hotu nia bele liu ho kalma. Xanana hanesan magnet ida nebe mak bele dada ema barak ba hamutuk, inklui sira nebe uluk hateten aat nia. Ida tan ezemplu diak tebes nebe mak hatudu husi Xanana, maka iha kualker tempu inundasaun, liu-liu inundasaun nebe mosu iha Dili laran, Xanana sempre sai ema ba dala uluk mak tuun ba rezolve. Daruak, programa subsidio ba idozos sira. Maske programa ida ne’e la dun eduka povu atu servisu, maibe programa ida ne’e hanesan tiha ona kartu “A/truf” ida ba governasaun Xanana nian hodi bele manan povo nia laran, liu-liu idozos sira. Subsidio osan no hari uma ba sira nebe vulneravel bele hamenus duni todan nebe mak povo sira hasoru. Povu tomak haksolok, no espera katak governu bele kontinua no aumenta tan montante ba osan nebe mak sira simu. Datoluk,subsidio ba veteranus da funu. Hanesan liman kroat ba povu maubere sira hodi luta ba ukun rasik an, veteranus sira iha diretu duni atu hetan no goza oituan ukun rasik an ida ne’e. Nó iha tempu governasaun AMP nebe mak chefia husi Xanana, sira hetan duni buat hirak ne’e (maske iha barak nebe mak seidauk satisfas). Iha semana hirak ne’e nia laran ita tomak hare oinsa veteranus sira komesa ona simu sira nia osan iha BNU. Dahaat “fahe” projetu ba imprezariu Timor Oan sira (pakote referendum & pakote dezemvolvemento desentralizado). Maske hetan kritika barak husi oposisaun, NGO’s, no sosiadade sivil sira seluk, nebe mak hateten katak projetu hirak ne’e so fakar osan deit, maibe dala ida tan Xanana hamutuk ho CNRT hatudu no hametin ona ni-nia image hanesan partido reskonstruksaun do dezemvolvemento. Dalimak, programa tiga dolar. Dala ida tan, maske programa ida ne’e la eduka povu, maibe programa ne’e oituan ka barak hakamán duni todan nebe iha povu sira nia kabás. Povu sira haksolok i sempre husu orsamentu ba programa ida ne’e bele aumenta taan. Daneen, CNRT hanesan partido nebe sei kaer ukun (incumbent). Xanana ho CNRT “aproveita” duni sira nia ukun ida ne’e hodi hametin liu taan image ba povu liu husi plano estrateziko dezemvolvemento nasional (PEDN). Maske ida ne’e sei lori konsekuensia bo’ot ba partido ne’e, tamba povu sei hein no ejiji bainhira programa hirak ne’e la realiza iha future, maibe Xanana kuda ona esperansa ba povu tomak katak ukun an ida ne’e sei la vale wainhira povu barak sei moris iha kiak no mukit nia laran.

Maske nune’e, iha mos faktores balun nebé mak bele sai hanesan dezafiu ida ba partido CNRT hodi bele manan iha eleisaun 2012 mai. Faktores sira ne’e mak hanesan: dahuluk, problema electrisidade. Problema electrisidade sai hanesan kausa nasional. Kuaze iha Timor laran tomak povu sira halerik kona ba electrisidade nebé mak la estabel. Hare to’ok iha TVTL no le’e to’ok iha jornal nasional sira, kuaze notisia nebe apresenta kona deit ba halerik no lamentasaun povu nian kona ba electrisidade. Promesas hirak nebe mak hato’o husi secretario estadu Januario Pereira dala barak nunka kumpri tuir, i sai fali hanesan “bumerang” ba secretario estadu rasik. Daruak, problema bé mós. Hanesan electrisidade, bé mós sai mos hanesan kausa nasional. Kuaze projeto barak mak estadu fo liu husi pakote referendum no pakote dezemvolvementu desentralizado, hodi dada bé ba iha fatin hirak nebe mak susar atu hetan asesu  ba bé mós maibe iha realidade projetu hirak ne’e dala barak macet iha dalan klaran deit, i maske emprezariu sira konsege halo hotu duni projetu dada bé maibe dala barak bé la to’o ba iha povu sira nia le’et. Datoluk, problema estrada. Hanesan bé mós, projetu nebe iha relasaun ho estrada mos barak tebes no halo fila-fila ona, liu husi programa pakote referendum, pakote dezemvolvemento desentralizado, no pakote dezemvolvemento lokal, maibe povu sei halerik nafatin deit kona ba problema ida ne’e. projeto nebe mak halao hanesan fali “ke’e ko’ak taka ko’ak”. dahaat korupsaun no injustisa. Maske sei dauk hetan evidensia barak kona ba kazu ida ne’e, no seidauk iha koruptor ida mak lori ba “toba” iha otél Bekora, maibe haré ba realidade no lian barak nebe “semo” lemorai bele fo impakto bo’ot ba futuru governu ida ne’e nian. Haré ba orsamentu nebe mak aprova husi parlemento bo’ot tebes (liu husi OJE) no haré ba povu barak nebe mak sei kiak no mukit nafatin, karik ita hotu bele tau ba kestaun, osan hirak barak ne’e halai los ba nebe? Atu fo hanoin deit ba leitores sira katák, OJE ba tinan 2010 deit hamutuk US$ 837,981,072 (STL,19/11/2010). Osan ida nebe bo’ot no barak tebes nebe mak sirkula iha Timor laran. Maibe oinsa ho realidade nebe iha? Ita hein tan tok oinsa governo sei ezekuta OJE 2011 nebe ho montante osan bo’ot tebes (US $ 986,000,000) ba nasaun ki’ik hanesan Timor Leste ne’e? Leitores ida-idak bele hanoin no análiza mesak deit ba.

Partido FRETILIN

Partido FRETILIN hanesan partido ida nebe mak manan iha eleisaun 2007. Maibe, vitoria nebe mak sira hetan la konsege lori sira hodi ukun nasaun ida ne’e. ikus mai FRETILIN mos hili dalan sai hanesan opozisaun hasoru estadu, nebe ukun husi partido lubuk nebe hamahan aan iha AMP. Hanesan partido opozisaun, FRETILIN halao nia fungsaun no knar diak tebes. FRETILIN halo duni kontrolo nebé mak fó duni balansu ba iha estadu nebe chefia husi Xanana Gusmão. FRETILIN mos iha lider istoriko hanesan Mari’i Alkatiri no Fransisco “Lu Olo” nebé mos sai hanesan brand equity iha partido ida ne’e hodi bele dada militantes, simpatizantes, no povu sira atu bele hakbesik an no hili partido ida ne’e. Maske nune’e atu bele ukun fali iha 2012, presiza esforsu maka’as husi entidade hotu iha partido FRETILIN laran, hahu husi lideransan partido to’o ba iha nia militantes no simpatizantes sira. Bazea ba buat hirak ne’e, mai ita haré hamutuk to’ok oinsá kans FRETILIN nian iha eleisaun 2012 mai? Bele ka lae FRETILIN manan fali konfiansa povu Timor nian hodi ukun fali nasaun ida ne’e? ou FRETILIN sei lakon votus barak liu tan hodi dada nafatin sira sai hanesan partido opozisaun ida?

Nudar partido ida bo’ot no importante tebes ba iha luta povu Timor nian ba ukun rasik aan, FRETILIN sempre sai nafatin hanesan partido ida nebe mak iha oportunidade bo’ot atu manan iha kualker tempu eleisaun. Ho naran partido istoriko, FRETILIN sempre iha kbi’it atu mantein nafatin konfiansa no loyalidade husi ninia militantes no simpatizantes sira, liu-liu husi povu hirak nebe mak moris no hela iha baze-baze rezistensia nian (pedesaan). Povu sira iha baze mayoria iha relasaun emosional nebe mak forte tebes ho FRETILIN iha istoria ba luta ukun rasik an nian. Maibe iha tempu ikus ne’e, militantes no simpatizantes husi FRETILIN barak mak hasees aan no halai ba tama fali partido seluk. Ezemplu nebe ita hotu hatene mak, Jose Luis Guterres (atual II Vice Primeiro Ministro assunto sosiais), Vicenti Maubosy, no militantes lubuk ida tan nebe mak hasees aan hodi harí grupu ida ho naran FRETILIN Mudansa (servisu ho bandeira CNRT nian). Maske nune’e FRETILIN nafatin partido bo’ot.    I ho naran bo’ot no istoriko nebe mak metin iha FRETILIN nia aan, sei bele manan nafatin konfiansa povu nian iha eleisaun 2012 mai. Maibe, buat hirak ne’e hotu sei la fasil ba militantes no liders partido istoriko ida ne’e. presija servisu maka’as atu bele dada fali militantes sira nebe sai tiha ona no bele dada tama tan militantes foun nebe mak iha hanoin no espiritu hanesan ho FRETILIN. Sa-tán, oras ne’e dadauk, partido politiko barak tebes-tebes.

Atu bele manan iha eleisaun 2012 mai, iha faktores balun nebé mak bele sai hanesan vantagen ida ba partido ne’e atu bele compete. Hare ba buat hotu nebé mak partido CNRT halo ona, hakarak ka lakohi FRETILIN tenke lori isu tolu nebé mak iha hanesan kilat ida atu bele” tiru” hasoru CNRT. Misaun ida todan tebes maibe mos la imposibel ida. Isu tolu ne’e mak hanesan: elektrisidade, bé mós, no estrada. Problema tolu ne’e agora dadauk sai hanesan problema ida bo’ot tebes iha AMP nia ukun. Se FRETILIN bele foti isu tolu ne’e no “falun” ho diak sai hanesan programa ba futuru, no bele fó garansia hodi fó solusaun ida forte ba povu katak wainhira partido ne’e ukun sei resolve problema hirak ne’e ho diak no kualidade, maka dalan ba FRETILIN atu ukun iha 2012 mai nakloke luan tebes. FRETILIN tenke buka halo nusa atu bele aproveit diskontente nebé mak oras ne’e mosu iha povu Timor Laran tomak. Durante sai hanesan partido opozisaun, FRETILIN konsege kudá ona image iha povu nia leet hanesan partido nebé fó ona balansu ba governu AMP. Iha parte seluk, FRETILIN mos tenke tau atensaun maka’as ba iha seitor justisa, edukasaun, no ekonomia povu nian nebé oras ne’e barak mak sei moris iha kiak no mukit nia laran. FRETILIN tenke “hakilar” nafatin atu bele kontrola nafatin estadu ida ne’e to’o 2012. FRETILIN labele “nonok” hanesan iha aprezentasaun OJE 2010 nebé hato’o husi Ministra das Finanças Emilia Pires foin lalais ne’e iha uma fukun parlamentu nasional. Nonok nebé mak FRETILIN hatudu sai hanesan perguntas bo’ot ba povu tomak, sa ida mak akontese ba FRETILIN? Karik FRETILIN frustado tamba buat hira nebe mak durante ne’e sira hakilar la hetan rezultado tuir sira nia hakarak?

Partido Sira Seluk

            Oinsa ho kans partido seluk kompara ho partido bo’ot rua nebe esplika naruk los ona iha leten? Iha ne’e hau hakarak fahe partido hirak ne’e ba iha parte rua, mak hanesan partido nebé iha representante iha uma fukun parlamento (la inklui FRETILIN ho CNRT), hanesan PD, PSD, ASDT, PUN, UNDERTIM, KOTA, PPT. no partido hirak nebé mak la iha, hanesan UDT, PST, PDN. La’os atu hatún ou kestiona kona ba partido hirak nia kapasidade, la’os mos atu dehan katak partido hirak ne’e la iha liu posibilidade atu bele compete no manán iha eleisaun 2012, maibé hau hakarak atu hatudu deit leitores tomak katak oras ne’e dadauk ambiente politika iha Timor Leste mak hatudu nune’e duni.

            Husi partido hirak nebé mak naran temi ona iha leten, hau haré katak PD hanesan partido ida nebe iha kans bo’ot liu atu bele mantein nafatin votus nebe mak sira hetan ona hanesan iha 2007. Figura sira hanesan Fernando Lasam de Araujo (Atual prezidente Parlamento Nasional) no Mariano Assanami Sabino (Aktual Ministro Agricultura no peskas) sei sai nafatin hanesan kartu “AS” ba partido ida ne’e atu manan konfiansa husi povu. PD iha posibilidade nebé mak bo’ot mos, la’os atu manan eleisaun maibe hetan nafatin konfiansa husi povu. Katak PD, sei bele hetan nafatin votus nebe makaas hodi hatuur sira nia reprezentantes iha uma fukun parlamento nasional. Iha partido seluk ita bele temi ASDT nebe iha figura hanesan Fransisco Xavier do Amaral (Avó Xavier) no PUN nebe lidera husi Fernanda Borges mos bele mantein nafatin votus nebé sira iha. PSD hanesan partido ida nebe mak oras ne’e daudauk hamutuk iha AMP laran, hau hanoin sei hetan difkuldades barak tamba problema hirak nebe mak oras ne’e partido infrenta. Konflito internal nebe mak halo militantes, simpatizantes, no lideransa balun husi partido ida ne’e halai fali ba partido seluk (hanesan PDN), no kazu sira seluk tan. Buat hirak ne’e hotu hamonu ona image partido ida ne’e nia. Sa-tán, figura hanesan Mario Carascalao nebe mak rezigna husi nia kargu nudar vice premeiro ministro asunto administrasaun “hametin” liu tan image ladiak ba partido ida ne’e. PSD tenke servisu maka’as atu hodi fali image foun ida forte nebe sees husi figura Eng. Mario Carascalao.

 Partido sira seluk hanesan KOTA, UNDERTIM, PPT, makse ki’ik tebes maibe sei iha posibilidade atu bele hetan nafatin votus konfiansa husi hanesan iha eleisaun 2007. Nune’e mos ho UDT no PST. Ba PDN, karik susar atu bele kompete tamba partido ida ne’e agora mak foin hahu hari image iha povu nia le’et.  Maske strututra partido ida ne’e hari’i ona iha distritu barak, maibe ba eleisaun 2012 mai sira susar atu bele kompete ho partido hirak nebe mak eziste uluk ona. Maske nune’e, partido hirak ne’e sempre iha posibilidade atu bele manan konfiansa husi eleitor sira. Naran katak bele garansia ba programa hotu nebé mak sira sei hato’o iha kampanye.

Ikus

            Konsekuensia logis husi laloran demokrasia nian nebé mosu iha Timor Leste agora maka partido politiko hotu-hotu iha opurtunidade nebe hanesan atu bele manán iha kompetisaun eleisaun hodi “hadau” povu nia lian liu husi eleisaun. Atu bele “hadau” povu nia laran iha eleisaun, buat nebe importante liu atu partido politiko sira tenke tau atensaun mak halo buat hotu nebe bele fo benefisiu tuir povu nia hakarak (electrisidade, be mos, estrada, no nesesidade baziku sira seluk). Partido politiko sira tenke haré povu no konstituente sira hanesan subjek la’os objek. Signifika, partido politiko sira tenke hasees an husi praktika sira nebé bele fó presaun ba liberdade povu sira nian atu hili – (direta no indireta). Politiko sira tenke hare povu/konstituen hanesan parseira servisu nian no inspirasaun ida ba sira atu bele dezemvolve programa no plataforma partido nian ho diak, hodi ikus mai bele lori nasaun ida ne’e sai nasaun ida avasandu tebes hanesan ho nasaun avansadu seluk iha mundo ne’e. Hodi ida ne’e deit mak bele kria relasaun ida diak entre povu/konstituen ho partido politiko no politiko sira. Partido politiko sira tenke hanoin ona oinsa bele manan povu tomak nia laran, la’os ho presaun ou promote buat nebé mesak furak deit maibe ho sentido parseria. No oinsa bele halakon apriori (la fiar) povu nian ba partido sira ikus-ikus ne’e.

            Ikus liu, povu Timor tomak iha espéransa nó fiar katák partido politiko sira nó liders politiko sira sei tau nafatin interese povu Timor Leste nia a’as liu interese partido ka liders sira nian. Povu tomak sei hein katak, partido ida nebé deit mak sei manan iha eleisaun 2012, bele lori mudansa bo’ot hodi hadia povu Timor tomak nia moris, halakon kiak, mukit no beik. Atu objetivo hirak ne’e hotu bele realiza, maka importante liu ba partido politiko no liders politiko sira atu bele iha komitmentu nebé forte (la’os iha ibun tutun deit) hodi bele kombate virus korupsaun, kolusaun, nepotismo (KKN) nebé mak oras ne’e buras tebes. Maske seidauk iha koruptor ida mak lori ba kadeia, maibe praktika KKN buras duni iha Timor Leste. Tamba virus ida ne’e mak halo sira nebé riku, riku ba beibeik no hirak nebe ki’ak, ki’ak rabat rai nafatin. Los duni katak susar tebes atu halakon moras KKN ne’e, maibe pelumenus bele garantia atu hatuun ninia kuantidade presentazen nebé oras ne’e aas tebes. Partido politiko hotu tenke hanoin no hare katak sukseso eleisaun 2012 mak VITORIA DEMOKRASIA ba POVU NO NASAUN TIMOR LESTE nian. Povu hotu hein katak partido nebé deit mak manan sei garante estabilidade rai laran, no importante liu mak bele kria ambiente sosial ida diak hodi bele fasil ba povu atu asesu ba nesesidade baziko atu bele hadia sira nia kualidade moris.

Autor: Hela iha bairo Escola Xina

Villa Antiga-Baucau

Kritika no sugestaun bele haruka ou kontakto iha

E-Mail: zecunha_bcu@yahoo.com

Contacto: +670 7487588

EKONOMI

HARGA SEMBAKO TINGGI, KRISIS MENGINTAI

“Pemerintah  Harus Cari Solusi bukan Kambing Hitam”

Oleh: AJ CUNHA

Koordinator & Dosen IOB Paralel Baucau

Ekonomi Timor Leste (TL) sedang berada dalam persimpangan. Saat ini, untuk kesekian kalinya rakyat kembali mengeluhkan tingginya harga-harga sembako, terutama beras. Sejauh ini, pemerintah masih kelihatan tenang-tenang saja dan belum melakukan suatu tindakan serius untuk mengatasinya. Tampak sekali pemerintah menunjukkan ketidakmampuannya dalam  mengelola masalah yang satu ini. Hal ini dapat dilihat dari statement menteri Turismo Comercio & Industri (MTCI) yang menyarankan kepada masyarakat untuk tidak membeli beras-beras yang dijual di pinggir-pinggir jalan dan mengajak masyarakat untuk membeli di toko-toko yang telah di tentukan oleh pemerintah. Bapak mentri juga lebih menyalahkan kalau kenaikkan harga-harga beras tersebut akibat dari manipulasi harga yang dilakukan oleh para pedagang beras. Sebuah pernyataan yang sebenarnya tidak salah, tapi sepenuhnya tidak tepat jika itu dijadikan sebagai sebuah solusi untuk mengatasi krisis harga yang saat ini sedang terjadi. Pernyataan tersebut secara tidak langsung menunjukkan ketidakmampuan bapak menteri dalam mencari solusi yang tepat, tapi malah lebih senang mencari “kambing hitam” atas kenaikan harga yang saat ini sedang terjadi.

Agar tidak ada saling tuding, maka melalui artikel ini saya ingin menyampaikan sedikit pandangan saya tentang pemicu terjadinya harga-harga barang terutama beras yang cukup tinggi, dan solusi apa yang dapat dilakukan untuk menekan agar kenaikkan harga semakin tidak mencekik leher rakyat kecil.

Pemicu Utama

            Pemicu utama kenaikkan harga beras bukanlah disebabkan oleh “manipulasi” yang kata bapak menteri MTCI dilakukan para pedangang beras di pinggir-pinggir jalan. Tapi pemicu utamanya adalah ketidakmampuan bapak menteri dalam membaca gejala-gejala ekonomi yang saat ini sedang terjadi. Ada beberapa pemicu utama yang menurut saya menjadi penyebab terjadinya kenaikkan harga-harga sembako, termasuk beras, antara lain:

 Pertama, melemahnya nilai mata uang dollar Amerika terhadap mata uang negara lain. Karena TL saat ini masih menggunakan dollar Amerika sebagai mata uangnya, maka melemahnya nilai dollar tersebut sedikit banyak mempengaruhi aktivitas ekonomi TL yang mana 95% kebutuhan pokoknya didatangkan dari luar yang memiliki nilai mata uang lebih kecil dari dollar Amerika. Hal tersebut menyebabkan biaya-biaya menjadi mahal.

Kedua, krisis pangang di Asia. Krisis pangang yang terjadi di beberapa negara asia seperti Indonesia, Vietnam dan Thailand menjadi salah satu penyebab mengapa harga pangang (beras) naik cukup signifikan. Hal ini juga terjadi akibat dari biaya-biaya yang harus dikeluarkan untuk mendatangkan barang-barang tersebut ke TL cukup besar karena melemahnya nilai mata uang dollar terhadap nilai mata uang negara asal barang atau produk-produk tersebut. Selain di negara-negara asia, TL juga mengalami masalah panen akibat dari cuaca yang tidak menentu.

ketiga, tingginya harga minyak dunia. Tingginya harga minyak dunia hingga mendekati US $ 100.00/Barrel, sedikit banyak mempengaruhi harga-harga komoditas lainnya. Melonjaknya harga bensin dan solar menembus US $ 1.00, menjadi suatu alasan menggapa harga beras di naikkan ketika akan didistribusikan ke TL maupun desa-desa yang ada di TL.

 keempat, Jumlah uang beredar. Dalam teori ekonomi dikatakan bahwa peningkatan jumlah uang yang berlebihan dapat mendorong peningkatan harga suatu barang atau produk melebihi tingkatan harga yang diharapkan. berdasarkan pada teori tersebut, saya melihat bahwa, kenaikkan harga beras ataupun komoditi lainnya saat ini salah satunya dipicu oleh disetujuinya anggaran umum pemerintah sebesar US $ 1 milyar tersebut. Ditambah dengan dana-dana yang berasal dari luar (dana bantuan), menyebabkan uang yang beredar di TL tentu akan cukup banyak. Hal ini membuat membuat para produsen mudah berspekulasi tentang kehidupan ekonomi masyarakat pada umumnya.

 Kelompok monetarist beranggapan bahwa mekanisme pasar di dalam perekonomian dapat berjalan secara sempurna sehingga harga-harga dapat segera menyesuaikan (naik atau turun) apabila terjadi perbedaan (lebih besar atau lebih kecil) antara permintaan dan penawaran. Artinya para produsen atau pedangang akan selalu  menyesuaikan harga barang dagangan mereka dengan tingkat pendapatan mereka. Sebab, jika seorang konsumen meningkat pendapatannya, maka akan berpengaruh terhadap tingkat konsumsi mereka sehari-hari.

Jadi saya merasa produsen ataupu para pengusaha beras hanya menyesuaikan dengan meningkatnya jumlah uang yang cukup banyak tersebut, karena para produsen/pengusaha beras berspekulasi bahwa masyarakat (termasuk rakyat miskin) akan segera membaik kehidupan perekonomian mereka. Sehingga ketika seseorang telah memegang uang yang banyak akan memicu pula meningkatnya permintaan mereka terhadap suatu produk atau barang. Untuk mengatasi agar krisis harga tidak menjadi lebih parah lagi, maka harus ada jalan keluar atau solusi-solusi dari pemerintah sebagai penyelenggara negara untuk dapat menjaga ekonomi TL tetap stabil.

Solusi

Melihat harga-harga barang terutama beras yang terus merangkak naik, maka pemerintah melalui kementrian MTCI harus mencari solusi yang tepat agar harga beras maupun komoditi lainnya tidak naik lebih tinggi lagi. Pernyataan-pernyataan bapak menteri MTCI dengan melarang masyarakat untuk tidak lagi membeli beras-beras yang di jual di pinggir-pinggir jalan atau menyuruh masyarakat untuk membeli di toko-toko yang telah ditentukan oleh pemerintah dan menunjuk beberapa distributor atau pengusaha beras untuk mendistribusikannya ke desa-desa bukanlah sebuah solusi tepat. Pernyataan bapak menteri itu menurut saya ibarat “menyelesaikan satu masalah dengan menambah satu masalah baru”.  Ada beberapa solusi yang dapat menjadi pertimbangan bagi pemerintah terutama kementrian-kementrian yang terkait dalam upaya untuk menjaga stabilitas harga-harga barang agar tida melebihi kapasitas atau daya beli masyarakat, antara lain

 Pertama, menetapkan batas minimum & maksimum. Pemerintah dalam hal ini MTCI dengan kewenangan yang dimilikinya harus segera menelurkan peraturan pemerintah (PP) dengan memberikan batasan-batasan terhadap harga-harga komoditas, terutama harga beras agar tidak melambung lebih jauh lagi.  Menurut saya dengan menetapkan batas minimum dan maksimun harga suatu komoditas (beras), maka hal itu tidak akan merugikan siapa-siapa. Rakyat tersenyum, pedangang pun tetap untung. Saya rasa orang-orang yang duduk dalam kementrian MTCI atau kementrian keuangan adalah orang-orang pintar yang mampu menghitung bagaimana biaya-biaya yang dikeluarkan oleh seorang pengusaha/produsen ketika mendatangkan suatu barang atau produk, lalu menetapkan bahwa batas yang wajar bagi produk atau barang tersebut adalah sekian dollar. Tentu saja perhitungan-perhitungan tersebut haruslah perhitungan yang sesuai dengan keadaan ekonomi masyarakat TL. Lahirkanlah sebuah peraturan dan implementasikan. Jika oknum pengusaha ada yang ingin bermain-main dengan harga, maka tegaslah. Pemerintahlah yang mengatur negara ini bukan oknum pengusaha.

Kedua, membuka lapangan kerja baru. Setelah menetapkan batas minimum dan maksimum Dari harga-harga barang, maka selanjutnya pemerintah harus segera menyelesaikan masalah penganggurang. Data dari SEFOPE menunjukkan bahwa, dari tahun ke tahun jumlah penganggurang bertambah 15 ribu jiwa penduduk. Ini adalah sebuah masalah besar. Untuk itu pemerintah harus segera membuka lapangan kerja baru. Dengan bekerja masyarakat akan memkiliki uang dan dengan demikian uang yang mereka miliki dapat digunakan untuk meringankan beban hidup mereka. Untuk jangka waktu pendek atau menenggah, program tiga dolar yang selama dilakukan oleh pemerintah melalui SEFOPE dapat dipertimbangkan kembali.

Ketiga, Pemberian Subsidi. Jika dalam waktu dekat ini pemerintah belum bisa menciptakan lapangan kerja baru, maka pemberian subsidi menjadi salah satu solusi yang bisa dipertimbangkan oleh pemerintah untuk meringangkan beban masyarakat, terutama masyarakat miskin. Saya rasa pemerintah telah paham dan belajar dari penggalaman-penggalaman sebelumnya yang mana menyebabkan sistem pendistribusian beras bersubsidi MTCI menjadi “bencana kecil” dimana akhirnya hanya menyengsarakan rakyat kecil dan menguntungkan segelintir pengusaha di negeri ini. Tapi untuk jangka pendek, pemerintah bisa menggunakan cara ini untuk terlebih dahulu mengstabilkan aktivitas perekonomian. Dengan memberikan subsidi, maka pemerintah masih bisa tetap menjaga stabilitas harga dan pada akhirnya dapat mendorong  pencapaian pertumbuhan ekonomi makro TL secara keseluruhan. Gunakanlah sebagian anggaran $ 1 milyar untuk menanggulanggi bencana alam untuk mengstabilkan harga, karena tingginya harga beras juga merupakan satu “bencana” yang dapat membunuh rakyat miskin secara perlahan-lahan.

Keempat, Pihak Swasta. Jika pemerintah (MTCI) tidak mampu mengatasi masalah harga ini dengan solusi-solusi di atas, maka dengan terpaksa harus “menunjuk” pihak swasta untuk mengatasinya. Walaupun itu sedikit memberikan image yang negatif terhadap kemampuan menteri MTCI dalam mengatasi masalah-masalah harga. Pemerintah bisa memberikan kepercayaan kepada organisasi-organisasi seperti CCI-TL ataupun UNAPE untuk mengimport, mendistribusikan dan menjualnya kepada masyarakat luas.  Inisiatif dan usulan yang dilakukan oleh UNAPE hendaknya patut dipertimbangkan oleh pemerintah (BT, Edi.39/07-13 fev.2011). Namun demikian, kepercayaan itu harus selalu tetap dikontrol. Karena sudah seringkali terjadi, di mana perjanjian di atas kertas selalu berbeda dengan implementasi di lapangan.  Pemerintah memiliki tanggung jawab untuk mengontrol para pengusaha swasta bukan sebaliknya.

Penutup

Masyarakat sudah merasa begitu risau dengan kondisi ekonomi saat ini, karena melihat pemerintah seolah “pasrah” dengan tingginya harga-harga terutama beras. Padahal tingginya harga beras berbanding lurus terhadap naiknya harga-harga sembako yang lain. Pemerintah melalui kementrian MTCI memang harus segera mencari SOLUSI yang ADIL agar produsen dan konsumen tidak merasa sama-sama jadi korban. Bukannya malah menyalahkan para pedangang kaki lima.  

Pemerintah seharusnya bisa memberikan suatu solusi dan bertindak dengan tegas. Bukankah pemerintah memiliki wewenang yang cukup besar untuk mengatur lalulintas harga-harga barang? Pemerintah harus bisa bersikap tegas terhadap siapa saja, termasuk oknum pengusaha/pedagang yang ingin mencoba bermain-main dengan harga. Tegaslah….gunakanlah kewenangan yang pemerintah miliki untuk memberikan solusi bagi masalah “kelaparan” yang saat sedang menghantui rakyat. Pertimbangkanlah solusi-solusi yang ada dengan bijaksana. Jangan kemudian malah mencari “kambing hitam” ketika masalah harga semakin tidak terkontrol. Dan yang patut diperhatikan oleh pemerintah adalah jangan menunggu hingga rakyat “marah” atas ketidakadilan dan ketidakberdayaan yang mereka rasakan!!!

Penulis: Tinggal di Bairo Escola Xina, Vila Antiga-Baucau

               E-Mail: zecunha_bcu@yahoo.com

               Telp: +670 748 7588

KORUPSAUN

IHA MUNDO NIA OIN,

TL NASAUN KORUPTU

(Refleksaun ida ba celebrasaun loron direitus umano)

BY: A. J. CUNHA

Titlu iha leten fanun ita hotu, povu Timor Leste tomak atu hanoin hamutuk katak iha buat ruma nebe la’o sala ona iha prosesu harii konstrusaun nasaun doben ida ne’e. Titlu ne’e ha’u foti husi jornal STL (Edisaun No. 9164 Tinan XVIII) atu sai hanesan titlu ba artigo ida ne’e tanba interesante tebes. Tinan sanulu resin ita restaura fali ita nia independensia, ida ne’e mak “prestasaun diak” nebe governu nasaun ida ne’e nian hatudu mai ita? Susar tebes mai ita hotu atu bele imajina no simu “prestasaun” nebe mak mosu durante ne’e iha ita nia oin.

Artigo ida ne’e sei lori ita atu hare liu aktus korupsaun nebe mak hatudu liu ba hahalok “kanten” membru governu no sosiedade balun nebe fo impakto bo’ot tebes ba vida moris povu tomak nian, tanba liafuan ida korupsaun ne’e identik tebes ona ho hahalok “kanten” membru governu balun sira. “TL NASAUN KORUPTU” nebe mak fo sai husi komunidade internasional, hatudu mai povu Timor Leste tomak katak praktika korupsaun iha no buras tebes duni iha governu no sosiedade nia le’et.

Iha loron 9 fulan Dezembro liu mundo tomak inklui Timor Leste selebra loron internasional ba kombate korupsaun. Iha loron neba ita hotu akompaña relatorio nebe mak fo sai husi komunidade internasional sira. Tuir relatorio Transparansia International, indeks Persepsaun korupsaun Timor Leste iha tinan ne’e aas tebes iha numeru 143 husi nasaun 182. Iha tabela persepsaun internasional korupsaun tinan 2010 (STL, Edisaun No. 9164 Tinan XVIII) fo imajen ida nebe mak triste tebes mai ita hotu. Hanoin to’ok ba, hare husi relatorio prestasaun korupsaun nebe iha komunidade internasional sira nia le’et hanesan CPLP, regiauan asiatico, nasaun ki’ik sira hatudu katak Timor Leste nia “prestasaun” sempre tama iha tiga besar husi kra’ik. Hare husi nasaun sira CPLP nian, Timor Leste iha terçeira parte husi kra’ik. Iha regiauan asiatico Timor Leste iha Segundo parte husi kraik no husi nasaun ki’ik sira Timor Leste iha permeira parte husi kraik ho valor indeks korupsaun nebe mak hanesan hotu 2,5.

Tristeza bo’ot ida mai ita povu Timor Leste tomak, tanba iha parte ida, tinan-tinan Orsamentu Jeral Estadu (OJE) sempre aumenta, maibe la iha mudansa signifikante ida ba iha povu nia moris. La iha prestasaun diak ida nebe signifikante mak hatudu husi ukun na’in sira iha nasaun ida ne’e. Maibe, ohin loron ita hare katak prestasaun nebe iha mak sira sempre aumenta“bokur” ba bei-beik. Atu dehan de’it katak, hirak ne’e mak “goza” duni rezultado ukun rasik aan ida ne’e.

Perguntas bo’ot ida mai ita mak ne’e, tanba sa mak Timor Leste nasaun ki’ik nebe mak foin ukun aan iha tinan sanulu bele hetan “prestasaun” hanesan koruptu liu iha mundu? Sa ida los mak sala, se iha parte ida governu hateten sai katak indeks moris povu nian tinan-tinan sempre aumenta diak ba nafatin, nebe mak hatudu husi povu ki’ak no kbiit laek sira menus to’o hela de’it 40%. Tanba sa mak prestasaun hirak ne’e (ki’ak menus) diferensa tebes ho “prestasaun” nebe komunidade iternasional sira hatudu? Perguntas bo’ot ida taan mai ha’u, karik governu no ulun bo’ot nasaun ida ne’e “subar” buat ruma ba nia povu rasik? Persiza iha laran luak no aten brani husi ukun na’in sira atu hateten buat nebe lós ne’e lós no sala ne’e sala. Ita hotu tenke buka hatene tanba sa mak korupsaun ne’e bele mosu no buras tebes iha nasaun doben ida ne’e.

Tanba Sa Mosu Korupsaun?

            Tanba sa mak mosu korupsaun? Perguntas ida ne’e ha’u husu ba le nain sira hotu atu ida-idak bele hanoin no resposta tuir persepsaun no kompriesaun ida-idak nian. Tuir ha’u nia hanoin, korupsaun katak hahalok nebe mak ema individu ka grupu iha instituisaun nasaun ida nia laran halo hodi hamenus ka halakon ema seluk nia direitu no hakbiit liu individu ka grupu ne’e nia interese rasik. Tanba ne’e resposta ba perguntas iha leten tuir ha’u nia hanoin mak korupsaun mosu tanba interese individu ka grupu nebe mak aas liu interese komun nian.

Bazea ba definisaun nebe iha, ha’u mos indika faktores balun nebe mak bele sai hanesan indikador hodi hamosu aktus korupsaun ne’e iha ita nia le’et. Faktores hirak ne’e mak hanesan tuir mai ne’e: Dahuluk, Opurtunidade. Ema balun sempre dehan nune’e “Haré opurtunidade nebe mak iha no la bele husik opurtunidade lakon le’et tiha de’it”. Ida ne’e buat normal, tanba hanesan umano ida, sempre iha hanoin no hakarak atu hetan opurtunidade nebe diak liu. Hanesan ema barak sempre ko’alia mos katak “opurtunidade mai dala ida la’os dala rua”. Tuir ha’u nia hare, tanba opurtunidade ne’e mai dala ida, la’os dala rua ne’e mak halo ukun na’in membru governu no sosiedade balun hakarak atu aproveita opurtunidade hirak ne’e hodi habosu uluk sira nia “kabun” hafoin hanoin ema seluk nia “kabun”. Membru governu aproveita tinan lima sira nia ukun atu habosu sira nia “kabun” tanba sira hanoin, keta tinan lima mai tan sira sei la ukun ona karik. Sosiedade seluk aproveita “le’et” nebe mak sira hetan hodi halo subornu atu bele hetan “projetu” nebe bele hariku sira nia aan. Buat ida subornu ne’e mos halo parte iha hahalok korupsaun. Ijemplu, kuando emprezariu sira nebe hakarak atu hetan projetu husi governu, tanba sira iha dalan atu bele “kose” oituan membru governu sira, entaun sira “la moe” atu halo sa ida deit hodi bele atinji sira nia objetivo, inklui tenke halo suborn.

Daruak, Mentalidade. Mentalidade nebe mak la diak husi membru governu sira tuir ha’u nia hanoin hanesan fator ida nebe mak bele hamosu korupsaun. Tanba se kuando membru governu ida maske iha kapasidade intelektual nebe di’ak tebes, maibe kuando ni-nia mentalidade ne’e hanoin atu hariku aan de’it, mak nia sei uza dalan oi-oin para atu bele atinji ni-nia objetivu sira ne’e. mentalidade nebe mak la di’ak hatudu katak moral ema hirak ne’e menus tebes. Tanba moral nebe fraku tebes, dala barak kuando membro governu sira sai ba halo viagem iha distrito ka area rural sempre halo kustu viagem nian bubu maka’as tebes. Ezemplu, wainhira kuando sira ba haan iha restorante ruma iha sira nia viagem hirak ne’e, haan hotu tiha sira sempre husu nota mamuk para atu preinse valor haan nia tuir ida-idak nia gostu. Ida ne’e parte husi moral nebe menus.

Datoluk, Sistema. Wainhira ita ko’alia kona ba sistema ita sempre hanoin kona ba regra ou lei atu kontrola servisu membru governu sira nian. Sistema nebe la diak no la forte atu kontrola hahalok membru governu sira nian sai hanesan fator ida nebe mak determinante tebes hodi loke dalan ba iha membru governu sira atu praktika hahalok korupsaun ne’e. Lei no regra nebe mak fraku loke dalan ba membru governu no sosidade balu atu “aprende nauk” hanesan liafuan nebe mak ko’alia husi Vice Primeiro Ministro (VPM) Jose Luis Gusterres (JLG) nebe mak iha alinea balun iha jornal STL ((Edisaun No. 9164 Tinan XVIII. Pag.15) hateten nune’e “Persepsaun ne’e koloka ona TL hanesan ema mesak naukten hotu deit, nebe loron kalan mafia de’it ita nia servisu, ha’u (JLG) dala ruma triste, maibe ne’e hanesan dezafio ba ita no mos edukasaun ba ita atu hamutuk nafatin hadia sistema iha ita nia rai laran” Sistema nebe mak la diak, sei halo ema hirak nebe iha hanoin diak hodi servi povu mos sai la diak. Tanba sistema nebe la diak mos mak halo hirak nebe iha intelektualidade no moral diak sai “beik” tiha no hanesan “bibi malae” halai tuir deit “naukten” sira nia hakarak no ain fatin.

Haré ba indikadores hirak ne’e hotu, ha’u bele foti konkluzaun ida katak korupsaun ne’e bele mosu no buras iha nasaun ida ne’e tanba sistema ou lei ka regras nebe fraku tebes atu kontrola interese no hanoin aat husi ema lubun balun nebe mak finzi uza povu nia naran atu hariku sira nia aan. No ba iha kondisaun sira hanesan ne’e, povu tomak iha esperansa nebe bo’ot tebes ba iha Komisaun Anti Korupsaun (KAK) nebe lidera husi Aderit de Jesus atu bele funu hasoru koruptor sira.

SERVISU KAK

Hare ba iha relatorio nebe mak komunidade internasional sira hatudu sai ona, bele sai hanesan mata dalan ida ba iha KAK atu bele servisu maka’as liu taan. Tempu to’o duni ona ba KAK atu bele sai “asu si’ak” hodi “tata” koruptor sira ne’e. KAK iha responsabilidade nebe mak bo’ot tebes atu bele funu hasoru koruptor sira ne’e. Hau hanoin, povu Timor Leste agora dau-dauk iha esperança nebe bo’ot tebes ba membru KAK tomak atu bele hatudu mai povu tomal koruptor nebe mak halo nasaun doben ida ne’e “moe” iha mundu internasional nia oin. Ita hotu apresia tebes ba servisu hirak nebe KAK halo ona durante ne’e, nebe mak indika ona autor koruptor balun, tantu membro sosiedade no membru governu balun. Maibe ida ne’e deit la to’o, presiza pasu nebe do’ok liu taan husi KAK atu hahu “funu” ida ne’e. Ba ida ne’e ita espera katak KAK aten brani duni hodi hatudu liman ba autor sira hodi lori sira ba tu’ur iha tribunal no ikus mai lori sira atu responde ba “hahalok beik” nebe mak halo povu ki’ak rabat rai nafatin.

Maske nune’e ha’u konkorda katak servisu todan bo’ot ida ne’e la’os responsabilidade KAK nian mesak de’it, maibe ita hotu sosiedade nebe moris iha nasaun ida ne’e. Tanba hahalok korupsaun dala barak mosu la mai husi deit intensaun aat membru governu sira nian, maibe mos hahalok “kanten” husi sosiedade balun nebe mak hakarak hetan “moris diak” husi dalan oi-oin. Tanba ne’e ita hotu tenke matan moris neon na’in nafatin.

Hanoin Ikus

            “Iha mundo nia oin TL NASAUN KORUPTU” hanesan pankada bo’ot ida nebe kona los kedas iha ita nia oin no halo ita monu taka rabat ba rai. Susar tebes mai ha’u no karik povu tomak, katak nasaun ida ne’e hakiak ema “naukten” barak tebes. Susar tebes mai ita hotu atu bele imajina, katak sakrificio hotu nebe povu rai ida ne’e halo hamutuk ho luta na’in no heroi tomak hodi Timor Leste ukun rasik aan, ikus mai tenke monu los ba “LAFAHEK HAMLAHA” balun sira nia liman hodi invaloriza tiha naran bo’ot heroi hirak nebe ohin loron sei ukun.

Los duni katak ne’e hanesan komunidade internasional nia persepsaun, no hanesan nasaun nebe tau aas lei iha fatin hotu, persepsaun hirak ne’e sei sai los bainhira tribunal hetan ona provas nebe hatudu katak korupsaun ne’e iha no bo’ot i involve duni membru governu no sosiedade balun nebe organizado. Maibe ita hotu hatene katak, tinan-tinan osan nebe aprova iha Parlamenetu Nasional ne’e sempre aumenta ba bei-beik no barak tebes, osan sira ne’e ba hotu tiha deit nebe? Faktus nebe hatudu katak povu barak sei moris iha liña pobreza nia okos bele sai hanesan indikadores ida nebe forte tebes mai ita katak moras aat ida naran korupsaun ne’e buras duni iha nasaun ida ne’e.

Tanba ne’e ha’u konkorda ho liafuan nebe mak hato’o husi señor JLG katak dezafio ida mai ita hotu iha nasaun ida ne’e (liu-liu hirak nebe ukun). Ba ida ne’e, ukun na’in no politika sira nebe tu’ur iha uma fukun parlamento iha obrigasaun moral atu kria sistema ida nebe mak diak no forte hodi bele garante boa governasaun, atu nasaun ida ne’e la bele haki’ak taan “naukten” sira hodi halo povu barak terus no mukit rabat rai nafatin.

Maibe sistema ida diak no forte deit la to’o, tenke iha mos mentalidade ida nebe mak diak husi membru governu sira katak mentalidade atu servi duni povu, la’os atu ha’is fali povu. Tanba maioria membru governu sira ne’e mai husi partido politico, maka partido politico sira iha obrigasaun moral atu bele indika ka tau sira nia membru sira nebe iha kualidade intelektual no moral iha fatin no pozisaun nebe los (the right man in the right place) iha governu laran bainhira sira hetan fiar husi povu atu ukun. Ita hotu, povu Timor Leste sente no sei arepende duni katak ukun aan ida ne’e la’os mai ita no la iha valor mai ita, wainhira la iha koruptor ida mak tama iha kadeia. Se nune’e duni, ukun aan ida ne’e ba deit hirak nebe mak iha poder hodi ukun no halo lei ba nasaun ida ne’e.

Ikus liu, KAK tenke iha aten brani atu hamrik iha oin hodi hakilar maka’as no kesi tali ba sira nebe iha indikasaun forte tebes hanesan “naukten” iha nasaun ida ne’e atu lori ba tribunal hodi hetan julgamento no ikus mai simu buat nebe sira merese atu hetan, mak “KOMARKA”. Se karik buat hirak ne’e (sistema nebe forte no mentalidade nebe diak) hanesan nafatin no KAK la iha aten brani no la iha “nehan” atu tata, mak ita sei rona nafatin liafuan gaul nebe ikus-ikus ne’e ita sempre rona“NAUK LA MATE NAUK TIHA DEIT” BEIK SA!!! husi koruptor sira nia ibun.

Autor: Hela iha Villa Antiga-Baucau.

Kritika no Sugestaun bele haruka mai

E-Mail: zecunha_bcu@yahoo.com

ESPERANSA BA ROMAN

ESPERANSA BA NAROMAN

ESPERANSA....
Liafuan furak ne'ebe maka sempre fo kbi'it atu ha'u hakat
la'o tuir laloran moris ne'ebe dala barak sa'e no tu'un
hatada hau matan hateke los ba oin
hare ho esperansa naroman ne'ebe nabilan.

ESPERANSA.....
Liafuan midar ne'ebe sempre foti hau fiar
bainhira neon ne'e kra'ik hasoru moris nee
foti ha'u ain kontinua la'o ba oin
hakat ho firme hodi ultrapasa susar hotu.

ESPERANSA...
Halakon nakukun iha hau neon
hafanun ha'u espirito aten brani hodi hakat
tamba ha'u fiar...
bainhira ha'u firme roman nia nabilan sei mosu mai.